RE/MAX Mongolia

Монголын нийт хүн амын талаас илүүг буюу 51.0 хувийг эмэгтэйчүүд бүрдүүлж байгаатай адил ажил эрхлэгчдийн 54, 2 хувь нь эмэгтэйчүүд байна. Өөрөөр хэлбэл 583 мянган эмэгтэй хөдөлмөр эрхэлж байна гэсэн үг. Нийт ажил олголтын 70 хувийг бүрдүүлж байгаа хувийн хэвшлийн салбарынхны 85 хувь нь бизнес эрхлэгч эмэгтэйчүүд байгаа статистик тоо баримтаас эмэгтэйчүүд нийгмийн болон бизнесийн салбарт ямар их үүрэгтэй оролцож байгааг харж болно. Мөн түүнчлэн улсын хэмжээнд 2019 оны тоогоор, 18 хүртэлх насны хүүхдүүдтэй, өрх толгойлсон 36,271 эмэгтэйчүүд байгаа бөгөөд эдгээр эмэгтэйчүүдийн ихэнх нь үйлчилгээний салбарт ажилладаг байна.

ЗОГСОНГИ БАЙДАЛД ОРСОН САЛБАРУУДЫН АЖИЛЛАГСДЫН 65-73% НЬ ЭМЭГТЭЙЧҮҮД

Харамсалтай нь COVID-19 өвчний улмаас илүү их эдийн засаг, орлогын хомсдолд орж байгаа нь эмэгтэйчүүд байна.  Учир нь цар тахлын үеэр илүү их зогсонги байдалд орсон салбарууд бол уул уурхай, олборлох аж үйлдвэрийн салбараас гадна ихэнх нь үйлчилгээний буюу бөөний болон жижиглэнгийн худалдаа, боловсролын байгууллагууд, сургууль, цэцэрлэг, нийтийн хоолны газрууд, урлаг болон үйлчилгээний бусад салбарууд юм. Эдгээр салбарт ажиллагсдын 65-73% нь эмэгтэйчүүд ажилладаг бөгөөд одоогоор тэдний цалин, орлого тун эрсдэлтэй байдалд байгаа.  

Эрүүл мэндийн салбарт ажиллаж байгаа нийт 52,274 их эмч, эмнэлгийн тусгай мэргэжилтнүүдийн  81.9% нь эмэгтэйчүүд байдаг гэсэн судалгаа бий.

Монголд хамгийн хурдацтай хөгжиж буй салбаруудын нэг, үл хөдлөх хөрөнгийн салбарт ч ажиллаж буй эмэгтэйчүүдийн тоо, манлайлал өсөн нэмэгдсээр байна.

Хэдийгээр өөрчлөлтийн салхинд олон өөрчлөлт гарч байгаа ч манлайллын орон зай эрэгтэйчүүдийнх гэж ойлгодог зарим нийгэм, байгууллагуудад эмэгтэйчүүд манлайлж лидер болно гэдэг амаргүй. Гэрэлд туссан эмэгтэй хүнд заримдаа  үл тоомсорлох, хийсэн зүйлийг нь үнэлэхгүйгээр ялгаварлах асуудал тулгардаг.  Хэдийгээр нөхөрт гарч, үр хүүхэдтэй болох нь эмэгтэйчүүдийн амьдралын үүрэг ч гэлээ өөрийнхөө ирээдүйн төлөө мэдлэг боловсрол эзэмшиж, карьераа хөөх боломжийг хааж болохгүй билээ.

ГЭР БҮЛ, ҮР ХҮҮХЭДДЭЭ ЗОРИУЛАХ ЦАГ НЭМЭГДСЭЭР

COVID-19 өвчний улмаас илүү их эрүүл мэнд, сэтгэл санаа, цагийн хомсдолд орж байгаа нь эмэгтэйчүүд байна.

COVID-19 өвчний улмаас цэцэрлэг, сургууль хаагдсан тул эмэгтэйчүүд, ээжүүд илүү бага насны хүүхдээ харах, асрах зэрэгт өмнөх үеэс илүү их цагийг зарцуулж байна. Хүүхэд асарсан 10 хүний ес нь, өвчтөн, өндөр настан асарсан 10 хүний зургаа нь, гэрийн ажил хийсэн 10 хүний долоо нь эмэгтэйчүүд байна гэсэн статистик бий.

Гэтэл төсвийн орлого 11.7% тасалдаж, экспорт 30% буурсан энэ үед ажлын байр бэлдэж буй түүнчлэн ялангуяа эмэгтэйчүүдэд ажилийн боломж олгож буй цөөхөн хэдэн аж ахуйн нэгжүүдээ дэмжиж ажиллах нь тун чухал байгаа юм.

АЖЛЫН БАЙРЫГ ХАДГАЛЖ АЖИЛГҮЙДЛЭЭС СЭРГИЙЛЭХ НЬ ЭДИЙН ЗАСГИЙГ ХАМГААЛАХ ЧУХАЛ АРГА ХЭМЖЭЭ

Улс орны эдийн засгийн хүндрэл нь жижиг дунд үйлдвэрүүд, үйлчилгээний газруудад илүү нөлөөлсөөр байна.  Үүнтэй холбоотой ажлын байрыг хадгалах, үйл ажиллагааг хэвийн явуулах нь чухал болсоор байна.  Бусад улс орныг харахад хоёр зүйл дээр л илүү анхаарч байна. Нэгдүгээрт мөнгөний бодлогоо зөөллөх эдийн засгаа мөнгөжүүлэх бодлого, нөгөө талдаа жижиг дунд болоод ажлын байрыг бий болгож байгаа салбараа бодитойгоор дэмжиж байна.

ҮЛ ХӨДЛӨХ ХӨРӨНГИЙН ЗУУЧЛАЛЫН САЛБАР ДАХЬ ЭМЭГТЭЙЧҮҮДИЙН ОРОЛЦОО

Түүх сөхвөл 1784 оноос эмэгтэйчүүд энэ салбарт ажиллаж эхэлсэн байдаг, 1938 онд анх АНУ-д Эмэгтэй Үл Хөдлөх Хөрөнгө Зуучлагчдын Зөвлөл байгуулагдаж, 1950 оноос эхнээс энэ салбарт хүйсийн тэгш эрхийн байдал хангагдаж эхэлжээ. Харин өнөөдөр 2017 оны судалгаагаар дэлхийн даяар нийт үл хөдлөх хөрөнгө зуучлагчдын 63 хувь нь эмэгтэйчүүд байна.  

ЯАГААД ЭМЭГТЭЙЧҮҮД ҮЛ ХӨДЛӨХ ХӨРӨНГӨ ЗУУЧЛАЛЫН САЛБАРТ АМЖИЛТТАЙ АЖИЛЛАДАГ ВЭ?

Юуны түрүүнд ажлын цагаа өөрөө сонгож, заримдаа гэрээсээ ч ажиллах боломжийг олгодог нь эмэгтэйчүүд энэ салбарт ажиллах нөхцөлийг бүрдүүлдэг,

Мөн хэрэглэгчдийн өсөн нэмэгдэж буй хэрэгцээ, шаардлагыг соргогоор мэдрэх, хүлээцтэй, тэвчээртэй байх, нэгэн зэрэг олон ажил хийх, үйлчлүүлэгчдээ үнэн сэтгээлээсээ анхаарал хандуулах зэрэг чадварууд эмэгтэйчүүдэд байгалиас заяагдсан байдаг нь тэднийг сайн агент болоход нь нөлөөлдөг.

Түүнчилэн үл хөдлөх хөрөнгө тэр дундаа орон сууц худалдан авах эцсийн шийдвэрийг ихэвчилэн гэрийн эзэгтэй нар гаргадаг шүү дээ.      

МОНГОЛЫН ҮЛ ХӨДЛӨХ ХӨРӨНГӨ ЗУУЧЛАЛЫН ТЭРГҮҮЛЭГЧ RE/MAX КОМПАНИД 23 ЭМЭГТЭЙ ЗАХИРАЛ АЖИЛЛАЖ МАНЛАЙЛЖ БАЙНА

Хэдийгээр эдийн засгийн энэхүү сорилттой үе тохиож байгаа ч үл хөдлөх хөрөнгийн зуучлалын салбарт тэргүүлэгч RE/MAX компани  олон залууст түүнчлэн эмэгтэйчүүдийнхээ ажлын байрыг хадгалж энэ үеэр үйл ажиллагаагаа илүү өргөжүүлж шинээр олон боломжыг бэлдэж ажиллахаа зарлаад байгаа юм.

Тэд эдийн засгийн хөдөлгөгч хүчнүүдийн нэг болсон үл хөдлөх хөрөнгийн зуучлалын салбарт өөрийн хувийн бизнесээ эхэлж карьераа илүү өндөр түвшинд хүргэхийг хүссэн эмэгтэйчүүдэд уян хатан цагийн хуваариар ажиллах, олон улсын сургалтын хөтөлбөрөөр бэлтгэгдэж,  хамтдаа хөгжих боломжыг санал болгож байна.

Монгол улсын үл хөдлөх хөрөнгийн зах зээлийг дэлхийн жишигт хүргэх зорилгын доор нэгдсэн RE/MAX MONGOLIA бүсийн 800 гаруй агентуудын 60% буюу дийлэнх нь эмэгтэйчүүд байна.   Монгол Улсад үйл ажиллагаа явуулж байгаа аж ахуйн нэгж, байгууллагын захирлуудын 35 хувь нь эмэгтэйчүүд байдаг ба дийлэнх нь худалдаа, үйлчилгээний салбарт үйл ажиллагаа эрхэлж байна. Үүнд хүчирхэг, оюунлаг, манлайлагч эмэгтэйчүүдээр багаа бүрдүүлсэн, дэлхийн үл хөдлөх хөрөнгө зуучлалын зах зээлд тэргүүлэгч  RE/MAX компанийг нэрлэж болно.

RE/MAX брэндийн өндөр шаардлагыг давж, брокер оффисын франчайз эрхийг эзэмшсэн 42 оффисын 23 ийг нь эмэгтэй захирлууд амжилттай удирдаж байна.